雖然現今科技發達，Google Maps 成為都市人找路的主要方法，但仍然有不少人選擇以問路方式尋找目的地。相信大家都試過向便利店職員問路，不過近日網上流傳一張便利店的告示，稱「問路費一次＄10 蚊」，引起網民熱議。
有網民近日在連登以「搞咩而家香港啲舖頭問下路都要收錢！？」作標題發文，並隨上一張便利店告示的相片，告示寫上「問路費一次＄10 蚊。本公司或店鋪員工並沒有義務與責任提供道路指引服務。如態度不好那是應該的沒有誰欠誰」。
▲在相應位置（紅標部份）仍指示該處為跨境快線購票站，引致現店址每日接收大量問路查詢
有網民稱「問完答唔到係咪畀返 $10 我？」、「門口見到咁已經唔想入去，人地都冇義務一定要幫襯，一係好似餐廳咁整個最低消費囉」、「不過佢收完錢答錯係咪可以告到上消委會先」、「你唔係入嚟幫襯而又阻住店員啲店務工作，咁邊個俾番份人工先 ，資本主義用者自負好合理」。
雖然有網民質疑便利店的做法，但大量的評論皆偏向理解便利店的收費措施，稱「應該係日日都好多人入去問路問到發脾氣，尤其係隔離有中旅社、政府嘢嗰啲應該日日都無限咁多人問路」、「依家問路啲人好巴閉㗎，唔該都唔識講，你話唔知隨時啤你，串你兩句着晒拖鞋成個街坊咁都唔知」、「擺明俾啲大陸遊客問得太多問到煩」。
圖片來源：連登
資料來源：連登
最新影片
标签：
资讯
本文转载自: https://unwire.hk/2023/03/06/10-2/fun-tech/
版权归原作者 unwire.hk 所有， 如有侵权，请联系我们删除。
版权归原作者 unwire.hk 所有， 如有侵权，请联系我们删除。